धनकुटामा उपयुक्त खेल पूर्वाधार नभएको खेलाडीको गुनासो
धनकुटा,२८ मंसिर । अहिले फिफा विश्वकप चलि रहेको छ त्यसको उत्साह, कस्ले खेल जित्छ हार्छ भन्ने बहस साना बाल बालिका देखि बृद्ध सम्म चलि रहेको छ । बिदेशी राष्टका जर्सी लगाउने देखि लिएर झण्डा बोक्नेहरुको समेत चहल पहल देखिन्छ नेपालले अबको कति बर्ष पछि विश्वकप खेल्न मौका पाउँछ भन्ने बहस समेत जता जतै हुने गरेको छ ।
फिफा विश्वकप चलि रहेको समयमै धनकुटामा समेत विद्यालय स्तरिय फुटबल प्रतियोगिता सम्पन्न भएको छ । खेल प्रति यूवा विद्यार्थीको आकर्षण भइ रहे पनि प्राप्त र व्यावस्थित खेल मैदान नुहदाँ भने खेलाडीहरु निराश भएका छन् । धनकुटा सदरमुकाममा समेत अहिले सम्म प्राय सबै खाले खेल खेलिने मैदानको रुपमा तल्लोटुडिखेल मात्र रहेको छ । यहाँ बिशेषत फुटबल खेलका लागि उपयुक्त भए पनि यहाँ, फुटबल, भलिबल संगै क्रिकेट र अन्य खेल खेल्ने गरिन्छ त्यसले गर्दा खेलाडीहरु लाई प्रशिक्षण खेल खेल्न समस्या हुने गरेको फुटबल खेलाडी दिपेश राईको भनाई रहेको छ ।
प्रत्येक खेलका लागि आवश्यक खेल मैदान नहुदाँ सबै खेल एउटै मैदानमा खेल्दा समस्या हुने गरेको अर्को खेलाडी प्रकाश राई बताउछन् । खेल मात्र होइन विहानको समयमा घुम्न आउने तथा दौडन समेत टुडिखेल मै मानिसहरु आउने हुदाँ झनै समस्या हुने गरेको उनको भनाई छ । जसले गर्दा कुनै पनि खेलका खेलाडीले खुलेर खेल खेल्न नै पाउँदैन्न ।
साथै विभिन्न समयमा हुने प्रतियोगिता मेला महोत्सव, पर्व पनि टुडिखेलमै हुने हुदाँ समस्यै समस्या भएको उनिहरुको भनाई त्यसैले सबै खेलका लागि बैकल्पीक खेलमैदान बनाउँनु पर्ने खेलाडीको माग छ । प्रतिस्पर्धामा जितेका बेला भाषण गर्ने स्थानीय नेताहरूले खेलकुदको विकासका लागि प्रतिवद्ध रहेको जनाउँदै आए त्यसको कार्यन्वयन पक्ष भने धनकुटामा समेत कमजोर देखिन्छ ।
