विश्वकप फुटबलको फाइनल हेर्न कैदीलाई दियो छथरजोपाटी गाउँपालिकाले टेलिभिजन
धनकुटा,३ पुष । धनकुटाको छथरजोरपाटी गाउँपालिकाले धनकुटा कारागारमा रहेका कैदीबन्दीहरुलाई ३२ इन्चको स्मार्ट टेलिभिजन सेट हस्तान्तरण गरेको छ ।
अब केहि समय पछि हुने विश्वकप फुटबलको फाइनल प्रतियोगिता हेर्न सुबिधा पुगोस् भन्ने उदेश्यले ३२ इन्चको स्मार्ट टेलिभिजन सेट प्रदान गरेको गाउँ पालिका अध्यक्ष छ्त्र सुब्बाले बताउँनु भयो ।
छथरजोरपाटी गाउँ पालिका अध्यक्ष छत्र सुब्बा, वडा नं. २ का अध्यक्ष कृष्णकुमार मगर र ६ का अध्यक्ष दिपक गुरुङले संयूक्त रुपमा कैदी बन्दी लाई टेलिभिजन सेट प्रदान गर्नु भयो ।
कारागार प्रमुख शिव श्रेष्ठले टेलिभिजन जडान गरेर कैदिबन्दीलाई फाइनल खेल हेर्ने सुबिधा मिलाइएको बताउनु भयो ।
कारागारमा महिला र पुरुष गरि ८३ जना कैदीबन्दी रहेका छन् ।
