छथरजोपाटी गाउँपालिकामा बसाई आउनेलाई उपहारमा लैनो गाई
धनकुटा,१३ पौष । धनकुटाको छथरजोपाटी गाउँपालिकाले गाउँपालिका बाट बराई सराई गर्नेको संख्या बढ्दै गएपछि गाउँपालिकामा बसाइ सराई गरी आउने परिवारलाई लहिनो दुहुना गाई उपहार दिन थालेको छ ।
बसाई सराई गर्नेलाई वाइवाइ आउनेलाई दुहोनो गाई कार्यक्रम मार्फत बसाई सराई गरि आउनेहरु लाई दुहुनो गाई दिन थालेको हो ।
कार्यक्रम लागु भए यता गाउँपालिकामा बसाई सराई गरि आउने ३५ परिवारले उपहारमा दुहुना गाई लिई सकेको गाउँपालिकाको पशुपन्छि विकास शाखा प्रमुख राजकुमार राईले बताए ।
गाउँपालिकामा बसाई सराई आएको ३ महिना पछि आवश्यक सर्त पुरा गरेकाले गाउँपालिका बाट गाई उपहार पाउँने गरेका छन् । गाई उपहार पाए संगै बसाई सराई गरेर आउने हरु समेत खुसी भएका छन् ।
तेह्रथुमको सुदापबाट बसाई सराई गरी आएकी विमला बस्नेतले भनिन् दुध बिक्रिका लागि समस्या नभएकोले उपहारमा पाएको दुहुना गाई संगै अरु गाई थपेर ब्यवसायिक बन्ने योजना रहेको छ ।
गाउँपालिकाले अन्यत्रबाट बसाईसरी आएका नागरीकलाई दुहुना गाई उपहार दिएपछि अन्यत्रबाट छथरजोरपाटी गाउँपालिका भित्रिनेको संख्यामा पनि बृद्धि हुदै गएको छ ।
पालिकाले सुरु गरेको दुहुना गाई उपहार कार्यक्रम प्रभावकारी बन्दै गएको गाउँपालिकाका उपाध्यक्ष गिता गुरुङ्ग खेवाले बताउनुभयो । उहाँले भन्नु भयो बसाइ सराई गरी आउने लाई गाई उपहार दिने कार्यक्रम छथरजोरपाटी गाउँपालिकामा प्रभावकारी बनेको छ ।
धनकुटाका सातवटै स्थानीयतहमध्ये छथरजोरपाटी गाउँपालिकामा बसाइसराईको दर बढि छ । आन्तरिक र बाह्य बसाई सराँइ तिब्र बनेपछि गाउँ शून्य बनाएर हिड्ने प्रवृति रोकेर आउनेलाई प्रोत्साहन गर्न दुहुना गाई दिन थालिएको छथरजोरपाटी गाउँपालिका अध्यक्ष छत्रबहादुर सुब्बाले बताउनुभयो ।
उहाँले भन्नु भयो लामो समय देखि चलि आएकको तिब्र बसाई सराई रोक्ने र बसाई सराई गरेर आउनेहरु लाई आर्थिक उपार्जनमा समेत सहयोग गर्ने उद्धेश्यले कार्यक्रम संचालन गरिएको छ ।
आफै गाई खरिद गर्न चाहनेलाई गाउँपालिकाले अधिकतम ६१ हजार रुपैयाँ नगद दिने गरेको छ ।
