धनकुटामा सवारी दु’र्घटना
धनकुटा । धनकुटामा आज दिउँसो सवारी दुर्घटना भएको छ ।
धनकुटाको भाषा स्कूल छेउ कोशी लोकमार्गमा हिलेबाट धरान तर्फ जाँदै गरेको मे १ ज २७९९ नं को सुमो र विपरित दिशाबाट आउँदै गरेको प्र १-०६-००१ प ०११३ नं को मोटर साईकल एकापसमा जुध्द्धा दुर्घटना भएको हो ।
दुर्घटनामा मोटर साईकल चालक शहिदभुमी गाउँपालिका ३ धनकुटाका राकेश राईको हातमा सामान्य चोट लागेको जिल्ला प्रहरी कार्यलय धनकुटाले जनाएको छ । प्रहरी सञ्चार शाखाका अनुसार दुर्घटना दिउँसो २:२० मा भएको हो ।
यो पनि…
आँबुखैरेनीमा आलु मेला
तनहुँ, २६ फागुन (रासस) : आँबुखैरेनी गाउँपालिकाको आयोजनामा ‘प्रथम आँबुखैरेनी आलु मेला २०७९’ आजदेखि सुरु भएको छ ।
कृषकले उत्पादन गरेका आलु उपभोक्तालाई सुपथ र सहज मूल्यमा बिक्रीवितरण गर्ने लक्ष्यका साथ आलु मेलाको आयोजना गरिएको हो । आँबुखैरेनी गाउँपालिका–३ हाटबजारस्थित अमिलीबोटेमा आयोजित मेला फागुन २६ र २७ गते सञ्चालन हुने व्यवस्थापन समितिका संयोजक सन्तोष केसीले जानकारी दिनुभयो ।
गाउँपालिकाले केही दिनअघि सञ्चालनमा ल्याएको हाटबजारमा छिम्केश्वरीको मह र खस्राराङबेंसीको एभोकाडोका बिरुवा अत्यधिक बिक्री भएको उहाँले बताउनुभयो । स्थानीयस्तरमा उत्पादित कृषि, पशु तथा बाँसजन्य वस्तु हाटबजारमा बिक्री गर्न पाउँदा कृषक खुसी भएको उहाँको भनाइ छ ।
आँबुखैरेनी गाउँपालिका–१ र २ वडामा पर्ने सत्र सय र बरादीलाई तरकारी पकेट क्षेत्रका रुपमा लिइएको छ । उक्त दुई वडामा उत्पादन गरिएका आलु ग्रेडिङ र सालाखाला गरी बिक्री गरिनेछ । मेलामा आलुबाट बनेका परिकार आलु पकौडा, आलु चप, चटपटलगायतका विभिन्न परिकार राखिनेछ ।
कृषकलाई निःशुल्करुपमा स्टल उपलब्ध गराइएको गाउँपालिकाका प्रमुख प्रशासकीय अधिकृत विष्णुप्रसाद शर्माले जानकारी दिनुभयो । आँबुखैरेनी गाउँपालिकाले गाउँपालिका मातहतमा छ वटै वडा, टोल विकास संस्था, आमा समूह, सहकारी संस्था, शिक्षक, कलाकार, क्लब, नागरिक समाजलगायतका विभिन्न सङ्घसंस्थालाई पत्रचार गरिएको बताएको छ ।
—
