धनकुटामा सञ्चालित स्वामी विवेकानन्द ज्ञान परिक्षामा गोकुण्डेश्वर वालमन्दिर माध्यमिक विद्यालयका विद्यार्थी प्रतिभा सुबेदी प्रथम
धनकुटा । धनकुटामा सञ्चालित स्वामी विवेकानन्द ज्ञान परिक्षामा गोकुण्डेश्वर वालमन्दिर माध्यमिक विद्यालयका विद्यार्थी प्रतिभा सुबेदी प्रथम भएकी छिन् ।
धार्मिक संस्कृति सम्बन्धी ज्ञान बढाउने उदेश्यले हिन्दु स्वयमसेवक संघ धनकुटाद्धारा सञ्चालित परिक्षामा सुबेदी प्रथम भएकी हुन् । त्यस्तै सोही विद्यालयका विद्यार्थी मन्दिरा ओझा द्धतीय र आनन्दकुमारी मण्डल तृतीय भएका छन् ।
जिल्लाका बिभिन्न विद्यालयका ७ सय ५६ विद्यार्थी बीच परिक्षा लिईएको हिन्दु स्यमसेवक संघ धनकुटाका संचालक राजेन्द्र पौडेलले जानकारी दिनुभयो ।
परिक्षामा प्रथम, द्धतीय र तृतीय भएका विद्यार्थीहरुलाई क्रमश: १५ हजार, १० हजार र ५ हजार पुरस्कार प्रदान गरिएको उहाँले बताउनुभयो ।
प्रतियोगि विद्यार्थीलाई केहि दिन अघि दिईएको एक-एक वटा पुस्तक पढेर सोधिएको प्रश्नको उत्तर लेखेको आधारमा परिक्षा लिईन्छ । त्यसरी सोधिएका प्रश्न मध्ये जसले सबै भन्दा बढि प्रश्नको उत्तर मिलाउछ उही विद्यार्थी बिजेता बन्ने गरेको अध्यक्ष पौडेलले बताउनुभयो ।
