शैक्षिक सुधारका लागि रु १ अभियान सञ्चालन गर्ने टंक माविको निर्णय
धनकुटा । धनकुटा नगरपालिका २ भिरगाउँको श्रीमान टंक माद्यमिक विद्यालय व्यवस्थापन समितिको बैठकले शैक्षिक सुधारका लागि रु १ अभियान सञ्चालन गर्ने निर्णय गरेको छ ।
विद्यालयमा शुक्रबार बसेको अभिभावक भेलाबाट पुन:गठित विद्यालय व्यवस्थापन समितिको पहिलो बैठकले त्यस्तो निर्णय गरेको हो । प्रत्येक विद्यालय सँग सरोकार राख्ने व्यक्ती, विद्यालय व्यवस्थापन समिति सदस्य, शिक्षक तथा कर्मचारीले आफ्नो आय मध्ये प्रतिदिन १ रुपयाँको दरले वर्षमा ३६५ रुपयाँ संकलन गर्ने निर्णय गरिएको विद्यालयले जनाएको छ ।
संकलित रकम खाता खोलि जम्मा गरेर शैक्षिक सुधारका लागि लगानी गर्ने योजनाका साथ त्यस्तो निर्णय गरिएको विद्यालयका प्रधानाध्यापक नरबहादुर विश्वकर्माले जानकारी दिनुभयो । पुन:गठित विद्यालय व्यवस्थापन समितिको अध्यक्षमा चन्द्रलाल तामाङ रहनुभएको छ । सदस्यहरुमा तुलसा भण्डारी, टिकाराम दर्नाल, सुमित्रा तामाङ, गिता रम्तेल, रमा बराल, अषिम बस्नेत रहेका छन् । समितिको सदस्यसचिवमा प्रधानाध्यापक विश्वकर्मा र शिक्षक प्रतिनीधिमा शिक्षक सरोज दाहाल रहेकाछन् ।
भेलाले ११ सदस्यीय अभिभावक संघ समेत गठन गरिएको विद्यालयले जनाएको छ ।
