मृगौला पीडित राई लाई कोरिया समाजको आर्थिक सहयोग
कबिराज घिमिरे, धनकुटा । धनकुटा सेवा समाज दक्षिण कोरिया समाज दक्षिण कोरियाले धनकुटा सांगुरीगढी निवासी मिर्गौला रोग पीडित कमल प्रसाद राई नगद सहयोग गरेको छ । राईलाई समाजले चारलाख बयालीस हजार नौ सय सतासी रुपैया सहयोग गरेको हो ।
दक्षिण कोरिया समाजको रोहबारमा कोरियामा रहने नेपालीहरु माझ सहयोग अभियान चलाई सहयोग रकम संकलन गरिएको समाजका अध्यक्ष परदेश राईले जानकारी दिनुभयो । सहयोग रकम समाजका पूर्व उपाध्यक्ष बाबुराम राई मार्फत बिरामी स्वयंम लाई हस्तान्तरण गरिएको छ । कोरियामा रहेको धनकुटेलीहरु गठित भई सन् २००९मा यो सस्था गठन गरिएको थियो ।
सस्थाले कोरियामा समस्यामा परेका नेपालीलाई सहयोग गदै आएको छ । त्यस्तै धनकुटामा बिभिन्न समस्यामा परेका ब्याक्ति तथा संस्थालाई सहयोग गदै आएको छ ।
यो पनि…
सात महिनामा भित्रियो रू छ खर्ब ८९ अर्ब विप्रेषण
काठमाडौँ, २८ फागुन (रासस) : चालु आर्थिक वर्षको सात महिनाको अवधिमा रू छ खर्ब ८९ अर्ब ८८ करोड बराबरको विप्रेषण भित्रिएको छ ।
नेपाल राष्ट्र बैंकले आज सार्वजनिक गरेको चालु आवको सात महिनाको विवरण अनुसार विप्रेषण आप्रवाह २७ दशमलब एक प्रतिशतले वृद्धि भएको हो । अघिल्लो वर्षको सोही अवधिमा विप्रेषण आप्रवाह चार दशमलब चार प्रतिशतले घटेको थियो ।
अमेरिकी डलरमा विप्रेषण आप्रवाह १६ दशमलब चार प्रतिशतले वृद्धि भई पाँच अर्ब ३० करोड पुगेको छ । अघिल्लो वर्ष यस्तो आप्रवाह पाँच दशमलब तीन प्रतिशतले घटेको थियो ।
समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको सङ्ख्या ५७ दशमलब तीन प्रतिशतले वृद्धि भई तीन लाख १४ हजार सात सय ६७ पुगेको छ । त्यसैगरी, वैदेशिक रोजगारीका लागि पुनः श्रम स्वीकृति लिने नेपालीको सङ्ख्या समीक्षा अवधिमा १० दशमलब एक प्रतिशतले वृद्धि भई एक लाख ६७ हजार सात सय आठ बराबर पुगेको छ । अघिल्लो वर्षको सोही अवधिमा यस्तो सङ्ख्या दुई सय ६५ दशमलब नौ प्रतिशतले बढेको थियो । समीक्षा अवधिमा खुद ट्रान्सफर २५ दशमलब दुई प्रतिशतले वृद्धि भई रु सात खर्ब ५९ अर्ब ११ करोड पुगेको छ ।
अघिल्लो वर्षको सोही अवधिमा यस्तो ट्रान्सफर तीन दशमलब सात प्रतिशतले घटेको थियो ।
