चौबिसेले शुरु ग¥यो बगर खेती
नारायण कुमार राई/धनकुटा । बाढीको बिनासले बगर बनेर प्रयोग बिहिन बनेको जमिनको सदुपयोग गर्न चौबिसे गाउँपालिका धनकुटाले नमुनाका लागि बगर खेती शुरु गरेको छ ।दुई बर्ष अघि २०७७ साल कार्तिकमा परेको अबिरल बर्षात्को बाढीले पालिकाको नदी र खोला किनार क्षेत्रमा लगाएको एक सय ५० भन्दा बढी किसान परिवारको धान खेती बगरमा परिणत भएको थियो ।
सो समयमा पाँचथर र पालिकाको वडा नं.३ को सिमानामा रहेको नावा खोला र वडा नं.४ स्थित तमोर नदी किनारको छब्बीस सय(दई हजार छ सय) रोपनीमा लगाएको धान खेती नष्ट भएको थियो ।उक्त बगर भएको खेतलाई पुनःर्जीवन दिन पालिकाले वडा नं.४ स्थित डिहिटार क्षेत्रको पाँच सय भन्दा बढी बगर क्षेत्रलाई लक्षित गरेर खर्बुजा खेती शुरु गरेको छ ।
पालिका र स्थानिय तमोर म्याली कृषक समुहको बराबरी साझेदारीमा यो हप्ताबाट ११ लाखको लागतमा नमुना बगर खेती शुरु गरिएको हो ।हाल समुहमा आवद्ध १५ कृषकहरुले नमुना खेतीका लागि ४० रोपनी बगरमा खर्बुजा खेती शुरु गरेको समुहका अध्यक्ष सुदामा बरालले जानकारी दिनुभयो ।बाढी पिंडितहरुलाई अनेकौ बैकल्पिक खेतीका लागि सम्झाएपनि वास्ता नगरेकाले पालिकाको सहयोगमा सामुहिक खर्बुजा खेती शुरु गरिएको बरालले जानकारी दिनुभयो ।
‘नपत्याउनेहरुलाई उदाहरण देखाउनलाई पनि यो खेती शुरु गरिएको हो ।’ बरालले भन्नुभयो ।हाल नमुनाका लागि शुरु गरिएको यो खेतीको उपलब्धी हेरेर आगामी बर्षहरुमा बगर खेतीलाई थप निरन्तर दिने पालिकाका अध्यक्ष राजकुमार चेम्जोङ्गले जानकारी दिनुभयो ।
यो कार्यक्रम सफल भएमा बाढीले बगर भएका खेत र गाउँपालिकाको नदी किनार क्षेत्रमा बर्षौ देखि बेकार रहेका सायौ रोपनी बगरहरुमा खेती शुरु गरिने चेम्जोङ्गले जानकारी दिनुभयो ।
