सरसफाइका लागि बहुपक्षीय अभियान सुरु
धनकुटा ५ चैत ।धनकुटा नगरपालिका क्षेत्रमा पर्ने कोशी राजमार्ग र सार्वजनिक स्थलको सरसफाइका लागि बहुपक्षिय अभियान सुरु गरिएको छ ।
धनकुटा नगरपालिका, नेपाली सेनाको भीमदल गण सल्लेरी, नेपाल प्रहरी, शसस्त्र प्रहरीको छिन्ताङ्ग गुल्म, पर्डेप नेपाल र स्थानीय समेतको साझेदारीमा नगरक्षेत्र भएर जाने कोशी राजमार्ग र सार्वजनिक स्थानमा फोहरमैला संकलन अभियान संचालन गरिएको हो ।
अभियान अन्तर्गत फोहरबाट उत्पन्न हुने दुष्परिणामका बारेमा बुझाउँने, हरेक शनिवार सार्वजनिक स्थलको फोहर संकलन गर्ने, सार्वजनिक र नीजी सवारीमा डस्टविनको ब्यबस्थालाई अनिवार्य गर्न अनुगमन लाई प्रभावकारी बनाउने भएको हो धनकुटा नगरपालिका वातावरण शाखा प्रमुख उपेन्द्र खनालले जानकारी दिनु भयाे ।
यो पनि…
नागरिक लगानी कोष स्थापनाको तेत्तीसौँ वर्षमा
काठमाडौँ, ४ चैत (रासस) :नागरिक लगानी कोष स्थापनाको ३३औँ वर्षमा प्रवेश गरेको छ । बचतमा प्रोत्साहन गरी लगानी बढाउने, अवकाश कोष तथा सामाजिक सुरक्षाका कार्यक्रम सञ्चालन गर्ने र पूँजी बजारमा गतिशीलता ल्याउने उद्देश्यले २०४८ सालमा स्थापना भएको कोषले हालसम्म रु दुई खर्बभन्दा बढी लगानी गरिसकेको जनाएको छ ।
कोषका अनुसार चालु आर्थिक वर्षको पुस मसान्तसम्ममा रु दुई खर्ब पाँच अर्ब ६९ करोड लगानी गरेको छ । सोही अवधिमा कोषको खुद कोष मौज्दात रकम रु दुई खर्ब छ अर्ब १९ करोड छ । हालसम्म मुद्दती निक्षेपमा रु एक खर्ब छ अर्ब २६ करोड, धितोपत्रमा रु २८ अर्ब २६ करोड १३ लाख, कोषका सहभागीलाई सापटी तथा आवास कर्जामा रु ४५ अर्ब ९२ करोड १५ लाख र समकालीन कर्जामा रु २२ अर्ब ६९ करोड ८० लाख लगानी गरेको कोषले जनाएको छ । पुस मसान्तसम्ममा अधिकृत पूँजी र जारी पूँजी समान रु आठ अर्ब रहेको कोषको चुक्ता पूँजी रु चार अर्ब २५ करोड १० लाख रहेको छ ।
नागरिक लगानी कोषमा सरकारको २३ दशमलव ३४ प्रतिशत शेयर स्वामित्व छ । त्यस्तै राष्ट्रिय बीमा संस्थानको ३१ दशमलव ५५, नेपाल स्टक एक्सचेन्जको १०, अन्य बैंक तथा वित्तीय संस्थाको १५ दशमलव ११ र सर्वसाधारणको २० प्रतिशत स्वामित्व छ । लगानी कोषले कर्मचारी बचत वृद्धि अवकाश कोष, बीमा कोष, उपदान तथा पेन्सन कोष, लगानीकर्ता हिसाब योजना, नागरिक एकाङ्क योजना, नागरिक पेन्सन योजना, लगानी व्यवस्थापन, ब्रिज ग्याप लोन, सहभागी कर्जा, परियोजना कर्जा, धितोपत्र लगानीजस्ता कार्यक्रम कार्यान्वयन गरिरहेको जनाएको छ ।
