छथर ताराको उपाधि इसु राईलाई
धनकुटा,२४ चैत । धनकुटाको छथर जोरपाटी गाउँपालिकाले आयोजना गरेको छथर तारा पहिचान एकल नृत्य प्रतियोगिताको उपाधि सरस्वती माध्यमिक विद्यालय सिंधुवामा अध्यानरत इसु राईले जितेकी छन् ।
छथर जोरपाटी गाउँपालिकाको महिला तथा बालबालिका शाखाले आयोजना गरेको प्रतियोगितामा गाउँपालिका भित्रका कक्षा १ देखि १२ सम्मका छात्र छात्रा विच वडा स्तर बाट छनोट भई आएका १२ प्रतिस्पर्धी लाई पछि पार्दै इसुले उपाधी जितेकी हुन् । त्यस्तै प्रतियोगिताको दोस्रो स्थान सरस्वती माध्यमिक विद्यालयकै स्मिना राईले ले प्राप्त गरेकी छन् ।
त्यस्तै चुलाचुली माध्यमिक विद्यालयमा अध्यानरत सुम्निमा लिम्बु तेस्रो भइन भने सान्त्वना स्थान सेतो गुराँस बोडिङ्गमा अध्यानरत मिरा गुरुङ्गले प्राप्त गरेकी छन् । बिजेताहरु लाई छथरजोरपाटी गाउँपालिकाका अध्यक्ष छत्रबहादुर सुब्बा, गाउँपालिका उपाध्यक्ष गिता गुरुङ्ग खेवा प्रमुख प्रशासकीय अधिकृत जितमान जीमी लगायतले पुरस्कार तथा प्रमाण पत्र वितरण गर्नु भएको थियो ।
प्रतियोगितामा प्रथम हुनेले नगद ५० हजार मेडल र प्रमाण पत्र प्राप्त गरेकी छन् त्यस्तै दोस्रो हुनेले नगद २० हजार मेडल र प्रमाण पत्र तथा तेस्रो हुनेले नगद १० हजार मेडल र प्रमाण पत्र तथा सान्त्वना स्थान हासिल गर्नेले नगद ५ हजार मेडल र प्रमाण पत्र प्राप्त गरेका छन् ।
