जिल्ला प्रशासन कार्यालय धनकुटाद्वारा घरमै पुगेर नेपाली नागरिकताको प्रमाणपत्र प्रदान
धनकुटा । कार्यलयमा नागरिकता लिन आउन नसक्ने अपाङ्गता नागरिकलाई जिल्ला प्रशासन कार्यालय धनकुटाले घरमै पुगेर नेपाली नागरिकताको प्रमाणपत्र प्रदान गरेको छ ।
प्रमुख जिल्ला अधिकारी थानेश्वर गौतम सहित जिल्ला प्रशासन कार्यालय धनकुटाको टोलिले शुक्रबार सागुरीगढी गाउपालिका वडा नं १ की ६९ वर्षकी मनमाया दर्जीलाई नागरिकताको प्रमाणपत्र प्रदान गरेकोे हो । शारिरिक रुपमा अपाङ्गता भएकी दर्जीलाई घरमै पुुगेर प्रमुख जिल्ला अधिकारी थानेश्वर गौतमले नागरिकताको प्रमाणपत्र प्रदान गर्नु भयो ।
आर्थिक रुपमा विपन्न दर्जी हिडडुल गर्न, बोल्न नसक्ने र आखाँ नदेख्ने अबस्थामा भएका कारण अहिलेसम्म नागरीकता विहिन हुनुहुन्थ्यो । नेपाली नागरिकताको प्रमाणपत्र नहुँदा उहाँले लामो समयदेखि सामाजिक सुरक्षा भत्ता लिन पाउनुुभएको थिएन । नागरिक्त पाएसँगै उहाँलाई अब सामाजिक सुरक्षा भत्ता लिन सक्ने बाटो खुलेको प्रमुख जिल्ला अधिकारी गौतमले बताउनुभयो ।
दर्जी आर्थिक रुपमा विपन्न र शारिरीक रुपमा अपाङ्गता भएकोले जिल्ला प्रशासन कार्यालयसम्म आउन समस्या भएकोले उहाँको सहजताका लागि घरमा नै गएर नागरीकता प्रदान गरिएको प्रशासकीय अधिकृत अंकित मंग्रातीले जानकारी दिनुभयो । दर्जीलाई नगरीकता प्रदान गर्न प्रमुख जिल्ला अधिकारी गौतम सहित प्रशासकीय अधिकृत मंग्राती, वडाध्यक्ष गोविन्द लिम्बु,पत्रकार महासंघ धनकुटाका उपाध्यक्ष विदुर खवास , जिल्ला प्रशान कार्यालयका कर्मचारी लगायतको टोलि पुगेको थियो । दर्जी उहाँको श्रीमान चन्द्र बहादुर सँग बस्दै आउनु भएको छ ।
