छथर जोरपाटी गाउँपालिकामा बहुक्षेत्रीय पोषण सम्बन्धी अभिमुखिकरण कार्यक्रम सम्पन्न
धनकुटा,१४ बैशाख । धनकुटाको छथर जोरपाटी गाउँपालिकाको स्वाथ्य शाखाले आयोजना गरेको बहुक्षेत्रीय पोषण योजना पालिका स्तरिय पोषण तथा खाद्य सुरक्षा निर्देशक समितीहरुका लागि एक दिने अभिमुखि करण कार्यक्रम सम्पन्न भएको छ ।
कार्यक्रममा कुपोषणका कारण वालवालिकाहरुमा हुने मृत्यूदर, होचो पुड्को हुने, ख्याउटे, उमेर अनुसारको तौल नहुने उमेर अनुसारको उचाई नहुने साथै शारिरिक र मानसिक समस्या नहोस् त्यस्तै पोषणका कारण प्रजनन उमेर समुहका यूवायूवतीमा समेत समस्या नआउन भन्नका लागि सबै क्षेत्रको महत्वपूर्ण भूमिका हुने भएकोले त्यसबारे जानकारी गराउँन तथा जनचेतना जगाउँन समेत कार्यक्रमको आयोजना गरिएको छथर जोरपाटी गाउँपालिकाका स्वाथ्य शाखा प्रमुख सुन्दरमान डंगोलले जानकारी दिनु भयो ।
अभिमुखिकरण कार्यक्रममा छथरजोरपाटी गाउँपालिकाका वडा अध्यक्षहरु, कार्यपालिका सदस्यहरु, प्रमुख प्रशासकिय अधिकृत जितमान जिमी, छथर जोरपाटी गाउँपालिकाका बिषयगत शाखाका प्रमुख तथा प्रतिनिधी लागायत करिब ३० जनाको सहभागिता रहेको थियो । कार्यक्रमको सहजीकरण कोशी प्रदेश संयोजक संजिव घिसिङ्ग , स्वाथ्य शाखा प्रमुख सुन्दरमान डंगोल, दिनप्रसाद दुलालले गर्नु भएको थियो । कार्यक्रमको अध्यक्षता छथर जोरपाटी गाउँपालिकाका अध्यक्ष छत्र बहादुर सुब्बाले गर्नु भएको थियो ।
यस कार्यक्रमलाई वडा स्तर सम्म संचालन गरिने समेत जनाइएको छ ।
