धनकुटाको विभिन्न स्थानमा यसरी मनाइयो उभौली चाड
धनकुटा । आज किराती समुदायले विभिन्न कार्यक्रम गर्दै भव्यताका साथ उभौली चाड मनाएका छन् । यो पर्वको अवसरमा धनकुटाको विभिन्न स्थानको साकेला थानहरुमा आफ्नो कूल देवताको पूजाआराधना तथा चण्डी नाच नाँच्दै किराती समुदायले यो चाड मनाएका हुन् ।
उधौली चाड मंशिर पूर्णीमामा पाकेको वाली आफ्नो पितृलाई चढाउदै कूलदेवताको पूजा आराधना गर्ने किराती समूदायले वैशाख पूर्णीमा उभौलि चाडमा बालीनाली राम्रो होस् सबैमा सुख‚ शान्ति‚ सुस्वास्थ्य होस् र दैविप्रकोप तथा विपत्तिहरू नआउन् भनि आफ्ना कूलदेवताको पूजा आराधना गर्ने चलन छ ।
यो अवसरमा धनकुटाको पाख्रीवास नगरपालिका वडा नं १० दाङसिङ,धनकुटा नगरपालिका १ हिले, पाख्रीवास ४ लगायत स्थानका साकेला थानहरुमा कूलदेवताको पूजा आराधना गरिएको छ । दाङसिङमा भएको पूजा आराधनाको कार्यक्रममा किरात राई यायोखा धनकुटाका किराती कलाकारहरुले चण्डी नाच प्रदर्शन गरेका थिए ।
पाख्रीवास-१० दाङसिङ
धनकुटा-१ हिले
