आफु संधै जनतालाई शिरमा राखेर काम गर्ने :पूर्वमन्त्री तथा संघिय सांसद राई
धनकुटा । पूर्वमन्त्री तथा संघिय सांसद राजेन्द्रकुमार राईले जनतालाई शिरमा राखेर काम गर्ने बताउनु भएको छ ।
किराती समुदायको उभौली पर्व (वैशाख पूर्णीमा)को अवसरमा शुक्रबार पाख्रीवास नगरपालिका वडा नं १० दाङसिङमा गाउराहाङ राईहरुले आयोजना गरेको कार्यक्रममा बोल्दै उहाँले त्यस्तो बताउनुभएको हो । कार्यक्रमको अवसरमा उहाँले साकेला पूजा तथा सुम्निमा पारुहाङ खिम को अवलोकन समेत गर्नुभएको छ ।
कार्यक्रममा नोपाली कांग्रेसका महासमिति सदस्य आनन्द सन्तोषी राईले उभौलि पर्व तथा आफ्नो ७५औ जन्मजयन्तिको उपलक्षमा पूर्वमन्त्री राईलाई हस्तलिखित सम्मान पत्रले सम्मान गर्नुभएको छ । राजनीतिक यात्रामा तुलनात्मक हिसावले पूर्वमन्त्री राईले छिटो प्रगती गरेको र सधै जनताको प्रिय हुने गरि काम गर्न हौसला मिलोस् भन्ने कामना गर्दै सम्मान गरिएको हो ।
त्यस्तैगरि नेपाली कांग्रेसका पूर्व जिल्ला सभापति एवं पूर्व आमन्त्रीत केन्द्रिय सदस्य मनोहर नारायण श्रेष्ठलाई पनि सम्मान गरिएको छ । यही अवसरमा पुनाहाङ सन्तती समाजको पारिवारिक पुस्तिका (ढुकुरसिं) को लोकार्पण पनि गरिएको छ ।
