राष्ट्रिय महिला सामुदायिक स्वास्थ्य स्वयंसेविकाहरुलाई दिइएको १० दिने आधारभूत तालिम सम्पन्न
धनकुटा । धनकुटाको छथर जोरपाटी गाउँपालिकामा बैशाख १८ गते बाट सुरु भएको राष्ट्रिय महिला सामुदायिक स्वास्थ्य स्वयंसेविकाहरु लाई आधारभूत तालिम कार्यक्रम बिहिबार सम्पन्न भएको छ ।
स्वास्थ्य कार्यालय धनकुटा र छथर जोरपाटी गाउँपालिकाकाको आयोजनामा गाउँपालिका भित्रका आधारभूत तालिम नलिएका २३ जना सामुदायिक स्वास्थ्य स्वयंसेविकाहरु लाई दिएको १० दिने आधारभूत तालिम बिहिबार सम्पन्न भएको छथर जोरपाटी गाउँपालिका स्वाथ्य शाखा प्रमुख सुन्दरमान डंगोलले जानकारी दिनु भयो ।
तालिममा सीप तथा ज्ञान अभिवृद्धि गरी समुदायमा सामान्य रोगको उपचार तथा परामर्श, खोप, परिवार नियोजन, पोषण र सुरक्षित मातृत्व स्वाथ्य जनचेतना जस्ता महत्त्वपूर्ण बिषयहरु तालिममा प्रदान गरिएको डंगोलले जानकारी दिनु भयो ।तालिम पछि सहभागिहरु लाई कार्यक्रमका प्रमुख अतिथी छथर जोरपाटी गाउँपालिकाकी उपाध्यक्ष गिता गुरुङ्ग खेवा बिशेष अतिथी छथर जोरपाटी गाउँपालिकाका प्रमुख प्रशासकिय अधिकृत जितमान जीमि लगायतले प्रमाण पत्र वितरण गर्नु भएको थियो ।
कार्यक्रमको अध्यक्षता स्वास्थ्य कार्यालय धनकुटाका निमित प्रमुख गोकुल भण्डारीले गर्नु भएको थियो ।
