धनकुटामा १७ बोरा गाँजा बरामद
धनकुटा,२९ बैशाख । धनकुटा प्रहरीले शुक्रबार मुलघाटबाट १७ बोरा गाँजा बरामद गरेको छ ।
को १ ख ३३६७ नम्वरको मिनिट्रकमा लैजाँदै गरेको करिब पाँचसय किलो गाँजा बरामद गरिएको जिल्ला प्रहरी कार्यलय धनकुटाका प्रहरी निरिक्षक मानप्रसाद श्रेष्ठले जानकारी दिनु भयो । चेक जाँचका लागि रोक्न खोज्दा गुडिरहेको गाडी छाडेर चालक भने फरार रहेको प्रहरीले जनाएको छ ।
भाग्दै गरेका ट्रक चालकलाई समाउँन खोज्दा मुलघाट चौकिमा कार्यरत प्रहरी सहायक हवल्दार शेरबहादुर तामाङ्ग घाइते भएका छन् । गाँजा ओसारपसराका लागि प्रयोग भएको मिनि ट्रक जिल्ला प्रहरी कार्यालयमा ल्याइएको छ । फरार भएका चालकको खोजी कार्य र अन्य अनुसन्धान भई रहेको प्रहरीको भनाई छ ।
