राष्ट्रिय युवा संघ नेपाल जिल्ला कमिटी धनकुटाले बिरामीलाई फलफुल वितरण गर्दै मनायो आफ्नो ३४ औं स्थापना दिवस
धनकुटा । राष्ट्रिय युवा संघ नेपाल जिल्ला कमिटी धनकुटाले सोमबार बिरामीलाई फलफुल वितरण गर्दै आफ्नो ३४ औं स्थापना दिवस मनाएको छ ।
युवा संघ नेपाल धनकुटाले ३४औं स्थापना दिवसको अवसरमा जिल्ला अस्पताल धनकुटाका बिरामीलाई फलफुल वितरण गरेर स्थापना दिवस मनाएको हो ।
जिल्ला अस्पताल धनकुटामा ईमर्जेन्सी , सुत्केरी र अन्य विभिन्न स्वास्थ समस्याका कारण उपचार गराईरहेका ४२ जना विरामीलाई फलफूल वितरण गरिएको युवा संघका जिल्ला अध्यक्ष प्रविन पोख्रेलले बताउनुभयो ।
फलफूल वितरण कार्यक्रमका प्रमुख अतिथि जिल्ला पार्टी अध्यक्ष एवम कोशि प्रदेश संसद ईन्द्रमणी पराजुलीले युवा संघले गरेको फलफुल वितरणलगायत रचनात्मक कार्यको प्रशंसा गर्नु भएको थियो ।
कार्यक्रममा युवा संघका केन्द्रीय सदस्य कला राई , पार्टीका प्रदेश कमिटी सदस्य बल्दिप राई , जिल्ला पार्टी उपसचिव शिव आङ्ला लगायत नेता कार्यकर्ताको उपस्थिति थियो ।
