चौबिसेमा स्वर्गीय जनप्रतिनिधिको सम्झनामा उद्यान निर्माण
नारायण कुमार राई,धनकुटा । चौबिसे गाउँपालिकाले आफ्ना एक स्वर्गीय जनप्रतिनिधिको सम्झनामा स्मृति तथा उद्यान(फुलबारी)को निर्माण गरेको छ ।
गाउँपालिकाको वडा नं.२ बाट दोस्रो पटकका लागि बिजयी हुँदै गर्दा मतगणना सकिने क्रममा निधन भएका वडा सदस्य अटल सूर्जे मगरको सम्झनामा उद्यान निर्माण गरिएको हो ।
पालिकाले उनको बार्षिक तिथीको अबसर पारेर आईतबार एक समारोहको आयोजना गरेर निर्मित फुलबारी सहितको स्मृति उद्यानमा नेपाली भण्डा फहराएर सम्मान प्रकट गरेको छ ।
उद्यानको संबिधानसभा सदस्य टिकाराम चेम्जोङ्ग,गाउँपालिका अध्यक्ष राजकुमार चेम्जोङ्ग,पूर्व अध्यक्ष खजिन्द्र राई,निमिक्त प्रमुख प्रशासकीय अधिकृत सोभिस तुम्बाले संयुक्त रुपमा उत्घाटन गर्नुभएको थियो ।
पालिकाका अध्यक्ष चेम्जोङ्गको अध्यक्षतामा आयोजित समारोहमा स्वर्गीय मगरकी पत्नी खड्गमायाँ सूर्जे मगरले तस्वीरमा दीप प्रज्ज्वलन तथा माल्यार्पण गरेर कार्यक्रम प्रारम्भ गरिएको थियो ।
समारोहमा संबिधान सभा सदस्य चेम्जोङ्ग,पूर्व पालिका अध्यक्ष राई,पालिका उपाध्यक्ष टंकमायाँ पाङ्मी मगर तथा वडाका वर्तमान तथा पूर्व अध्यक्षहरुले मगरको योगदानको चर्चा गर्नुभएको थियो ।
२०७४ सालको स्थानिय तहको निर्वाचित भई दोस्रो कार्यकालका लागि समेत वडा सदस्यमा निर्वाचित भएको थिए ।
तर मत परिणाम गणनाका समयमा २०७९ साल जेठ १ गते मगरको निधन भएको थियो । २०२६ सालमा जन्मेका मगरको श्रीमती सहित एक छोरा र छोरी रहेका छन् ।
