धनकुटामा लम्पी स्कीनको प्रकोप बढ्दो
धनकुटा । धनकुटामा लम्पी स्कीनको प्रकोप बढ्दो छ । जिल्लाका अधिकाशं कृषकले पालेका गाइ गोरुमा यो रोगको प्रकोप देखिन थालेको छ । न रोग नियन्त्रण हुन्छ । न कुनै औसधिनै छ । त्यसैले त धनकुटाका कृषक चिन्तित बनेका छन् ।
धनकुटामा लम्पी स्कीनको प्रकोप सुरु भएको करिब एक महिना भएको छ । एक महिना अघिवाट देखापरेको यो रोगवाट अहिले धनकुटा जिल्लामा करीब २० हजार बढी गाईगोरु संक्रमित भएका छन् ।
त्यस्तै एक सय भन्दा बढी गाईगोरुको मृत्यु भएको भेटेरीनरी अस्पताल तथा पशुसेवा बिज्ञकेन्द्र धनकुटाले जनाएको छ । रोगले प्रकोपकै रुप लिएपछि कृषकहरु चिन्तीत बनेका छन् । अघिल्ला बर्षहरुमा खोरेत लगायतका केहि रोगको मात्र देखिने गरेको तर तिनिहरुको उपचार पछि निको हुने भएपनि यो बर्ष देखिएको यो रोग फरक र जटिल छ ।
सुरुमा ज्वरो आउने बिस्तारै ह्याकुलो खुट्टा सुन्नीएर बस्न नसक्ने, जिउमा डाबर आउने छाला अररीने र बिस्तारै छाला फुटेर घाउ हुने तथा थला पर्ने राम्रो उपचार र स्याहार नपाएमा मृत्यु सम्म हुने प्राबिधिकहरुको भनाइ छ ।
सात स्थानिय तह मध्ये सबै भन्दा बढि शहिदभुमी गाँउपालिका र महालक्ष्मी नगरपालिकाको यसको प्रकोप फैलिएको छ । चौबिसे गाँउपालिकामा भने तुलनात्मकरुपमा यसको प्रकोप कम रहेको छ । यो रोग लागि सकेपछि यसको उपचार नभएकाले रागनै लाग्न नदिनु उत्तम बिकल्प रहेको प्राबिधिकको सल्लाह छ ।
पशु ओसारपसार नगर्ने, चरणमा नलैजाने, लामखुटे झिगा नियन्त्रण गरे रोग कम सर्ने प्राबिधिक राजकुमार राई बताउनु हुन्छ । त्यस्तै लागि हालेमा जे लक्षण देखिन्छ त्यसैको उपचार गर्ने, ताता कुरा खुवाउने स्याहार बढि गर्नुपर्ने उहाँको भनाई छ ।
यो रोग लामखुटे, झिगा, किर्ना आदिवाट एक बाट अर्कोमा सर्ने गरेको छ । स्थानिय जातका गाइ बस्तुमा भन्दा आयातीत जातका गाइ गोरुमा यो रोगको समस्या बढि समय सम्म रहने गरेको पशु प्राबिधिकहरुको अनुभब छ ।
