वाताबरण दिवसको अवसर पारेर धनकुटाको सल्लेरीमा बृक्षारोपण
धनकुटा,२२ जेठ । वाताबरण दिवसको अवसर पारेर धनकुटाको सल्लेरीमा बृक्षारोपण गरिएको छ ।
नेपाली सेनाको भीमदल गण सल्लेरी र डिभिजन वन कार्यालय धनकुटाको संयूक्त आयोजनामा करिब पाँच रोपनी क्षेत्रफलमा विभिन्न जातका फलफूलका विरुवा रोपिएको हो । प्लाष्टिकजन्य प्रदुषण निर्मूल पारौं, वातावरणमैत्री विकल्पको उपयोग गरौं भन्ने नाराका साथ मनाउँदै बृक्षारोपण गरिएको हो ।
पानी मुहान र पर्यावरण संरक्षणमा टेवा पु¥याउँन एभोकाडो, जामुन, कागती, अम्वा, कल्की लगायत जातका तीनसय विरुवा रोपिएको भीमदल गण सल्लेरीले जनाएको छ । वृक्षारोपण कार्यक्रममा जिल्ला समन्य समितीका प्रमुख निरेन तामाङ, विभिन्न सहकारी तथा गैर सरकारी कार्यलयका प्रमुख तथा प्रतिनिधी साथै अन्य सरोकारवाला निकायका प्रतिनिधीहरुको समेत सहभागिता रहेको थियो ।
