धनकुटा जिल्लाका ३ सय ५६ उद्योगी व्यवसायीको नाप तौलको जांच दर्ता तथा नविकरण
धनकुटा । धनकुटा जिल्लाका ३ सय ५६ उद्योगी व्यवसायीले नाप तौलको जाच, दर्ता तथा नविकरण गरेका छन् ।
उद्योगी व्यापारिहरुलाई घर-घरमै पुगेर सेवा दिने लक्षका साथ गुणस्तर तथा नाप तौल कार्यालय विराटनगसँगको समन्वयमा धनकुटा उद्योग बाणिज्य संघले सञ्चालन गरेको अभियानको क्रममा धनकुटा,हिले,सिधुवा र पाख्रीवास बजारका उल्लेखित संख्याका उद्योगी व्यापारीले नाप तौलको जाच , दर्ता तथा नविकरण गरेको उद्योग वाणिज्यसंघ धनकुटाले जनाएको छ ।
यो अभियानका लागि गुणस्तर तथा नाप तौल कार्यालय विराटनगबाट प्रमुख मनिषा राई सहितको टोलि र धनकुटा उद्योग वाणिज्य संघका पदाधिकारीले सहजिकरण गरेका थिए । जिल्लाको ती बजारहरुमा नाप तौल जाच, दर्ता तथा नविकरण गरिएपछि मंगलवार गुणस्तर तथा नाप तौल कार्यालय विराटनगरबाट खटिएका टोलिलाई विदाई गरिएको छ ।
टोलीलाई धनकुटा उद्योग बाणिज्य संघका अध्यक्ष विजय सन्तोषी राई,वरिष्ठ उपाध्यक्ष मन कुमारी तितुङ,कार्यकारी सदस्य अम्विका धमला,कार्यालय सचिव मातृका राई लगायतले खादा तथा माला लगाएर मायाको चिनो प्रदान गर्दै विदाई गरेका हुन् ।
