अरुण र तमोरमा पानीको तह माथि पुगेपछि जिल्ला प्रशासन कार्यालय धनकुटाले गर्यो यस्तो अनुरोध
धनकुटा । हिजो राती संखुवासभा, तेह्रथुम, पाँचथर र ताप्लेजुङ जिल्लामा परेको बर्षाका कारण अरुण र तमोर नदीमा पानीको सतह सतर्कता तह भन्दा माथि पुगेपछि जिल्ला प्रशासन कार्यालय धनकुटाले सुचना जारी गरेको छ ।
जल तथा मौसम विभागले यस क्षेत्रमा अझै केही दिन भारी वर्षा हुन सक्ने जनाएकोले नदी तथा खोलाको किनारा र जोखिमपूर्ण क्षेत्रमा बसोबास गर्ने, नदी किनारामा जीविकोपार्जनका काम गर्ने व्यक्तिहरुलाई तत्काल त्यस्तो क्षेत्रमा नवसी सुरक्षित स्थानमा जान पनि कार्यालयले अनुरोध गरेको छ ।
जोखिमपूर्ण स्थानमा रहेका / बसेका व्यक्तिहरुलाई सुरक्षित स्थानमा स्थानान्तरण गर्ने कार्यमा सहयोग गर्न जिल्ला भित्रका सबै स्थानीय तह, राजनीतिक दल र सामाजिक संघ संस्थाहरुलाई समेत अनुरोध गरेको छ ।
