बर्षा संगै बाढीको जोखिम बढेपछि धनकुटामा सचेत हुन स्थानिय पालिकाको आग्रह
धनकुटा,असार ३ । बर्षा संगै बाढीको जोखिम बढेपछि धनकुटामा नदी किनारका बासिन्दालाई सतर्क रहन आग्रह गरिएको छ ।
धनकुटाको महालक्ष्मी नगरपालिकाले सुचना निकाल्दै अझै केहि दिन भारी बर्षा हुन सक्ने भएकाले अरुण नदी तथा आसपासका खोला किनारामा जोखिम पुर्ण क्षेत्र बसोबास गर्ने तथा नदी किनारमा बसि जिबिकोपार्जन गर्ने ब्यक्तिलाई केहि दिन त्यस्तो स्थानमा नबस्न आग्रह गरेको छ ।
अरुण नदीमा बाढी आउन सक्ने भएकाले नदी किनारका बासिन्दालाई सचेत गराईएको महालक्ष्मी नगरपालिकाका मेयर ध्रुब राज रायले बताउनु भयो । महालक्ष्मी नगरपालिकाको तल्लो भागलाई अरुण नदीले छुन्छ ।
धनकुटाको सागुरीगढी गाँउपालिकाले पनि आफ्नो क्षेत्रका नदी कीनारका बासिन्दालाई सुरक्षित रहन आग्रह गरेको छ । नदीमा जनुसुकै बेला पानीको सतह बढ्न सक्ने भएकाले माछा मार्ने लगायतको कार्य नगर्न नगरी सुरक्षित स्थानमा बसोबास गर्न आग्रह गरिएको पालिका अध्यक्ष जितेन्द्र राईले जानकारी दिनभयो ।
बिहान आएको बाढी केहि घटेपछि आज दिउसो तमोर नदी किनारमा माछा मार्नेको भिड बढेको थियो । त्यस्तै पाख्रिवास नगरपालिकाले पछि आफ्ना क्षेत्रका बासिन्दालाई केहि दिन सुरक्षित रहन आग्रह गरेको छ । कतै केहि भइहाले प्रहरी वा पालिकामा खबर गर्न समेत आग्रह गरेके पालिका प्रमुख ज्ञान बहादुर गुरुङले जानकारी दिनुभयो ।
त्यस्तै धनकुटा नगरपालिका र सहिदभुमी गाँउपालिकाले पनि आफ्ना नदी किनारका बासिन्दालाई सुरक्षित रहन आग्रह गरेको छ । धनकुटाका चार पालिका हुदै अरुण र तमोर नदी बग्ने गरेका छन् । उच्च क्षेत्रमा आएको निरन्तर परिरहेको पानीका कारण ति नदीमा गएराती देखि बाढी आइरहेको छ ।
फिचर तस्बीर स्रोत : हरि लम्जेलको फेसबुक
