होटल एशोसिएसन धनकुटाको अध्यक्षमा पुन: विष्ट
धनकुटा,८ असार । होटल एशोसिएसन ( हान ) धनकुटा जिल्ला शाखाको आज भएको तेस्रो जिल्ला अधिवेसनले पुन: खगेन्द्र कुमार विष्टको अध्यक्षतामा ११ सदस्यीय नयाँ कार्य समिति गठन गर्दै चयन गर्दै सम्पन्न भएको छ ।
समितीको बरिष्ठ उपाध्यक्षमा भुषण कुमार श्रेष्ठ , उपाध्यक्ष डम्बर राज काफले , सचिव मोहन वान्तवा राई , सह सचिव ज्ञानेन्द्र वस्नेत र कोषाध्यक्षमा घनमाया श्रेष्ठ लाई सर्वसम्मत रुपमा चयन गरेको होटल एशोसिएसन धनकुटाका नबनिर्वाचित सचिव मोहन वान्तवा राईले जानकारी दिनु भयो ।
त्यस्तै सदस्यहरुमा विनिता थापा , शोभा वस्नेत , सुजित प्रधान, सुमन कार्कि र सोमनाथ पराजुली चयन भएका छन ।त्यस्तै गरि दिनश अमात्यको संयोजकत्वमा पाँच सदस्यीय सल्लाहाकार समितिको पनि भेलाले चयन गरेको छ ।
सल्लाहकार समितीको सदस्यमा हर्कराज राई , लालचन्द गोङ्घवा तामाङ्घ , जयमणि घिमिरे र दिपेन्द्र पराजुली रहेका छन ।धनकुटा नगर पालिकाका प्रमुख चिन्तन तामाङ्घको प्रमुख आतिथ्यमा भएको तेस्रो जिल्ला अधिबेशनलाई जिल्ला प्रसाशन कार्यलय धनकुटाका सहायक प्रमुख जिल्ला अधिकारी अन्जन नेउपाने , प्रहरी उपरिक्षक कृष्ण प्रसाद कोईराला, उद्योग वाणिज्य संघका अध्यक्ष विजय सन्तोषी राई , पुर्व डि. आई. जि. दिनेश अमात्य, उद्योग वाणिज्य संघका पुर्व अध्यक्ष लालचन्द गोङ्घवा तामाङ्घ , करदाता सेवा केन्द्रका प्रमुख भक्तराज निरौला र खाध्य प्रविधि तथा गुणस्तर नियन्त्रण डिभिजन कार्यलयका प्रमुख आनन्द डंगोल लगायतकाहरुले उपस्थिती रहेको थियो ।
