दिल्लीको एम्स अस्पतालमा आगलागी
काठमाडौं । दिल्लीको अल इन्डिया इन्स्टिच्युट अफ मेडिकल साइन्सेज (एम्स) अस्पतालमा सोमबार बिहान आगलागी भएको छ ।
एम्सको आकस्मिक कक्षको ठिक माथि इन्डोस्कोपी कोठामा आगलागी भएको बीबीसी हिन्दीले उल्लेख गरेको छ ।
दिल्ली फायर सर्भिसका अनुसार आगो निभाउनका लागि ६ वटा दमकल घटनास्थलमा पुगेको बताइएको छ ।
घटनास्थलको फोटो तथा भिडियोमा एम्स भवनबाट धुवाँ निस्किरहेको देखिएको छ । आगलागीको कारणबारे जानकारी आउन बाँकी छ ।
आगलागीबाट कुनै क्षति भए नभएको जानकारी पनि आइनसकेको भारतीय सञ्चार माध्यमले उल्लेख गरेका छन् ।
