श्रेष्ठले भेटे देउवासँग, के भयो कुराकानी?
काठमाडौं- उपप्रधान तथा गृहमन्त्री नारायणकाजी श्रेष्ठ र नेपाली कांग्रेसका सभापति शेरबहादुर देउवावीच भेटवार्ता भएको छ।
गृहमन्त्री श्रेष्ठ देउवालाई भेट्न शुक्रबार साँझ उनको निवास धुम्बाराही पुगेका थिए। शुक्रबार बसेको कांग्रेस संसदीय दलको बैठकमा गृहमन्त्रीको आलोचना भएपछि उनी कांग्रेस पार्टी सभापति देउवालाई भेट्न पुगेका हुन्।
कांग्रेस संसदीय दलको बैठकमा सांसदहरूले सरकार पूर्वाग्रही भएर कांग्रेसका सांसदहरूलाई पक्राउ गरेको निष्कर्ष गरेका थिए।
नक्कली शैक्षिक प्रमाणपत्र प्रकरणमा सांसद सुनिल शर्मा पक्राउ परेका थिए। यद्यपि अदालतले थुनामा राख्न नपर्ने आदेश दिएपछि शर्मा रिहा भएका छन्।
