इसरोले चन्द्रयान–३ मिसन बारे दियो नयाँ जानकारी, नयाँ तस्बिर जारी
एजेन्सी । भारतीय अन्तरिक्ष अनुसन्धान सङ्गठन (इसरो) ले चन्द्रयान–३ मिसनको अन्तिम चरणको बारेमा नयाँ जानकारी सार्वजनिक गरेको छ ।
इसरोले ट्विट गर्दै मिसन तालिका अनुसार चलिरहेको र उपग्रह सुचारु रूपमा अघि बढिरहेको बताएको छ ।
इसरोले ट्विट गर्याे, ‘मिसन अपरेसन कम्प्लेक्स (एमओएक्स) ऊर्जा र उत्साहले भरिएको छ ।’ यसका साथै इसरोले अवतरण अपरेसनको प्रत्यक्ष प्रसारण अगस्ट २३, २०२३ मा साँझ ५.२० बजेबाट सुरु हुने बताएको छ ।
यससँगै इसरोले १९ अगस्ट २०२३ मा ७० किलोमिटर टाढाबाट ल्यान्डरबाट लिएको चन्द्रमाको तस्बिर पनि जारी गरेको छ ।
