सशस्त्र प्रहरीका ८४ इन्स्पेक्टरलाई डीएसपीमा बढुवा गर्न सिफारिस
काठमाडौं । सशस्त्र प्रहरी बलका ८४ जना प्रहरी निरीक्षक प्रहरी नायब उपरीक्षक (डीएसपी) मा बढुवा सिफारिस भएका छन् ।
बढुवा समितिको मंगलबार बसेको बैठकले उनीहरुलाई डीएसपीमा बढुवा गर्न सिफारिस गरेको हो । बढुवा सिफारिसमाथि चित्त नबुझे ७ दिनभित्र उजुरी दिनसक्ने व्यवस्था छ । त्यसपछि बढुवा गर्ने निर्णय हुन्छ ।
सशस्त्र प्रहरी बलले प्रकाशित गरेको बढुवा सिफारिस सूचीको १ नम्बरमा बाबुराम थापा छन् भने अन्तिममा हरिकुमार पराजुली छन् ।
