चन्द्रमामा यसरी घुमिरहेको छ चन्द्रयानको प्रज्ञान रोभर
काठमाडौं । इसरोले चन्द्रयान-३ सम्बन्धी नयाँ भिडियो जारी गरेको छ। यो नयाँ भिडियोमा प्रज्ञान रोभर विक्रम ल्यान्डरबाट बाहिर निस्केपछि कसरी हिँडिरहेको छ भन्ने देख्न सकिन्छ ।
इसरोले यसअघि नै प्रज्ञान र विक्रमको तस्विर र भिडियो सार्वजनिक गरिसकेको छ ।
तर शनिबार सार्वजनिक भएको भिडियो नयाँ हो । इसरोले यो भिडियोसँग लेखेको छ- प्रज्ञान रोभर शिवशक्ति पोइन्ट नजिक घुम्दै छ र चन्द्रमामा नयाँ के छ भनेर अन्वेषण गर्दैछ।
चन्द्रयान–३ अगस्ट २३ मा चन्द्रमाको दक्षिणी ध्रुवमा सफलतापूर्वक अवतरण भएको थियो ।
यस अवतरणका लागि वैज्ञानिकहरूलाई बधाई दिन प्रधानमन्त्री मोदी शनिबार बिहान बेंगलुरु पुगेका थिए।
यसै क्रममा पीएम मोदीले चन्द्रयान–३ अवतरण गरेको ठाउँलाई अब शिवशक्ति पोइन्ट भनिने घोषणा गरेका थिए ।
