पाख्रीवास ८ मालबासेमा सञ्चालित वडा स्तरिय टोल कप फुटवल प्रतियोगिताको उपाधि जलदेवी युवा क्लवलाई
धनकुटा । धनकुटाको पाख्रीवास नगरपालिका वडा नं ८ मालबासेमा सञ्चालित वडा स्तरिय टोल कप फुटवल प्रतियोगिताको जित जलदेवी युवा क्लवले हात पारेको छ ।
सिवाईसी (ए) सँग फाईनलमा भिडेको उस्ले १ को विरुद्ध ३ गोल लगाउदै जित हात पारेको हो । जितसँगै उस्ले नगद १३ हजार सहित ट्रफी मेडल र प्रमाण पत्र पुरस्कार प्राप्त गरेको छ । दोश्रो भएको सिवाईसी (ए) ले नगद ६ हजार सहित ट्रफी, मेडल र प्रमाण पत्र पुरस्कार पाएको छ ।
प्रतियोगिताका विजयी खेलाडीहरुलाई पाख्रीवास नगरपालिका वडा नं ८ का वडाध्यक्ष गजेन्द्र राई, वडा सदस्य गंगादेव राई र क्लवका अध्यक्ष सागर राई लगायतले वितरण गरेको आयोजक भुल्केदेवी युवा क्लवका सदस्य अनिल राईले जानकारी दिनुभयो ।
८ नं वडा कार्यलयको आर्थिक सहयोगमा आयोजित प्रतियोगितामा जम्मा ८ टिमले सहभागिता जनाएका थिए । प्रतियोगिता समापन कार्यक्रममा बोल्दै वडाध्यक्ष राईले आउदो वर्षहरुमा खेलकुद क्षेत्रको विकास तथा खेलाडीहरुको प्रोत्साहनका लागि वडाबाट थप पहल गरिने वताउनु भएको छ । प्रतियोगिता हिजोबाट सञ्चालन गरिएको थियो ।
