काभ्रेको तेमाल गाउँपालिका २ मा प्रथम वडा अध्यक्ष कप फुटबल प्रतियोगिताको अन्तिम तयारी पूरा
काठमाडौं । काभ्रे जिल्ला तेमाल गाउँपालिका वडा नं. २ मा प्रथम वडा अध्यक्ष कप फुटबल प्रतियोगिताको अन्तिम तयारी पूरा भएको छ ।
डाँडागाउँ जागरुक युवा समाजको आयोजना र तेमाल गाउँपालिका वडा नं. २ को सहयोगमा हुन लागेको उक्त प्रतियोगिता माघ २२ गते बागमती प्रदेशका सांसद एवम् पुर्व मन्त्री रत्न ढकालले उद्घाटन गर्ने भएको छ ।
करिब २ दर्जन क्लबहरुको सहभागी हुने उक्त प्रतियोगितामा प्रथम पुरस्कार नगद ५० हजार सहित कप, मेडल र प्रमाणपत्र, दोस्रो हुनेलाई ३० हजार नगद, मेडल र प्रमाणपत्र र तेस्रो पुरस्कार १० हजार नगद, मेडल र प्रमाणपत्र राखिएको वडाध्यक्ष देवराज तामाङले बताए ।
एकताबद्ध देश, खेलकुदको सन्देश भन्ने मुल नारा लिएर विशेषगरी पर्यटन प्रवर्द्धन र खेल क्षेत्रमा स्थानीय प्रतिभाहरुको पहिचान गर्ने उदेश्यले उक्त प्रतियोगिता राखेको डाँडागाउँ जागरुक युवा समाजका अध्यक्ष रोशन तामाङले उज्यालो नेटवर्कलाई जानकारी गराए ।
वडा न.२ को गोठडाँडा स्थित सिमलचौरमा हुन लागेको उक्त प्रतियोगिताको लागि सुरक्षा व्यवस्थामा समेत विशेष ख्यालगरि स्थानीय प्रशासनसंग समेत समन्वय गरेको बताए ।
