धनकुटामा पहिचान नखुलेको एक महिला मृत फेला
धनकुटा,३१ चैत । धनकुटामा एक महिला मृत फेला परेका छन् ।
जिल्लाको सांगुरीगढी गाउंपालिका १० घुम्ती खोला स्थित पहिचान नखुलेको एक महिला मृत फेला परेका हुन् ।
आज दिनको करिब १२:५० बजे घुम्ती खोलामा गाउंघरतिर मागी खाई हिँड्ने (मानसिक सन्तुलन ठीक नभएकी) तत्काल नाम, थर वतन नखुलेकी तराई मूलको जस्तो देखिने अन्दाजी ४/४५ बर्षिया महिला मृत अवस्थामा रहेको भन्ने जानकारी प्राप्त हुनासाथ खटिएको प्रहरी टोलीवे अन्दाजी ५० मिटर मिटर तल लडेको जस्तो देखिने अवस्थामा लास रहेको फेला परेको हो ।
शवलाई कानुनी प्रकृया पूरा गरी पोष्टमार्टमको लागि बिपी कोइराला स्वास्थ्य विज्ञान प्रतिष्ठान धरान पठाइएको र घटना बारे थप अनुसन्धान भैरहेको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
