तेस्रो कोप्चे उत्सव सम्पन्न
धनकुटा, २ बैशाख । नयाँ बर्ष २०८२ को अवसर पारेर धनकुटामा आइतबारवाट सूरु भएको तेस्रो कोप्चे उत्सव सम्पन्न भएको छ ।
धनकुटा नगरपालिका–५ स्थित बिहीबारे हटियामा चैत ३१ गते बाट सूरु भएको उत्सव मंगलबाट सम्पन्न भएको हो । कोप्चे पुनर्जागरण अभियानले तीन दिने उत्सवको आयोजना गरेको थियो ।
३ दशक अघि सम्म धनकुटा मात्र नभए र कोशी पहाडी जिल्लाको व्यापारीक केन्द्र रहेको कोप्चे सडक संजाल विस्तार संगै ओझेलमा रहेको र त्यसको पुन जागरण गर्न कोप्चे उत्सव आयोजना गरिएको आयोजक संस्थाका सचिव उज्वल कर्मचार्यले बताए ।
कोप्चे कुनै समयको धनकुटा मात्र नभए र तेह्रथुम, भोजपुर, संखुवासभा लगायत जिल्लाको मुख्य व्यापारिक केन्द्र थियो तर पछिल्लो समय सुनसान बन्दै गए पछि यस लाई नविन शैलीमा प्रचार प्रसार गर्न र पर्यटकीय क्षेत्र तथा पुरानो व्यापारिक अध्यानको क्षेत्रको रुपमा विकास गर्न पछिल्लो दुइ वर्ष अघि बाट नयाँ वर्षको अवसरमा कोप्चे उत्सव सुरु गरिएको कर्मचार्यले बताए ।
उत्सवमा स्थानीय नेवार र आठपहरियाको मौलिक खानाका परिकार, मौलिक तथा पुराना सामग्रीको प्रदर्शनी समेत गरिएको थियो ।
