भोलि देखि धनकुटामा १५ दिने भलिवल महोत्सब शुरु
नारायण कुमार राई/धनकुटा, बैसाख ५ । जिल्लाको तल्लो टुडिखेलमा भोलि देखि १५ दिने “भलिवल उत्सब सुरु हुने भएको छ । आयोजक जिल्ला भलिवल संघले आज पत्राकार सम्मेलन गरेर सम्पुर्ण तयारी पूरा भएको जानकारी दिएको छ ।
२० गतेसम्म चल्ने यस महोत्सवमा धनकुटाका ७ स्थानीय तहबाट २० पुरुष र ६ महिला भलिवल टोलीले सहभागीता जनाएका छन् ।
आयोजक संस्थाका अध्यक्ष गौरव कार्कीले विजेता पुरुष र महिला टोलिले नगद ५० हजार रुपैयाँ र उपविजेताले ३० हजार पाउने छन् ।
उनले यस अवसरमा स्थानीय र राष्ट्रिय स्तरका कलाकारहरूको सांस्कृतिक प्रस्तुति, साथै परम्परागत प्रतियोगिताहरू समेत गराइने जानकारी दिए ।
महोत्सवको १५ दिने कार्यक्रम अन्तर्गत टपरी बनाउने, संख बजाउने, डोको बुन्ने, ५ किलोमिटर धनकुटा दौड प्रतियोगिता, १२ प्रकारका जातिय खानाका स्टल, घरेलु उत्पादन प्रदर्शनी र जातिय झाँकी समावेश छन् ।
कार्यक्रम खेलकुद विकास समिति, जिल्ला फुटबल संघ, धनकुटा उद्योग वाणिज्य संघ, नगरपालिका वडा नं. ५ र औद्योगिक ग्राम धनकुटाको सहयोगमा हुनलागेको हो ।
कार्कीले उत्सबबाट ३० जना भलिबल खेलाडी छनौट गरि बन्द प्रशिक्षणबाट जिल्ला स्तरिय भलिवल टोलि निर्माण गरिनेछ ।
