धनकुटाको चौबिसेमा सम्पन्न हुने समयमा आधा मात्र बन्यो अस्पताल ,बजेट अभावले निर्माणमा ढिलाई
देव याखा/धनकुटा(चौबिसे),१० बैशाख । तीन बर्ष अघिबाट धनकुटाको चौबिसे गाउँपालिका स्थित राजारानीमा निर्माणाधिन १० शैयाको अस्पताल भवनको काम आधा सकिएको छ ।
बि.सं.२०७८ साल पुसमा सम्झौता भई २०८१ चैत सम्ममा निर्माण कार्य सक्नेगरी बिर्तामोडको एच.एस.निर्माण सेवाले ठेक्का पाएको थियो ।
नेपाल सरकार र पालिकाको १५ करोड नौ लाख २६ हजार लागत साझेदारीमा निर्माणाधिन भवनको ५० प्रतिशत काम पुरा भएको पालिकाका ईन्जिनियर सुशिल कुमार यादवले जानकारी दिनुभयो ।
संघिय सरकारबाट आउने बजेट अभाव हुँदा भवन निर्माणको काममा ढिलाई भएको पालिकाका लेखा अधिकृत सोवित तुम्बाले जानकारी दिनुभयो ।
हाल सम्म निर्माण कम्पनीले करिव आठ करोड रकम भुक्तानी लगिसकेको गाउँपालिकाका अध्यक्ष राजकुमार लिम्बूले जानकारी दिनुभयो ।(प्रशिक्षार्थी पत्रकार)
