धनकुटाबाट होटलमा पार्किङ गरी राखेको मोटरसाइकल चोरीमा संग्लग्न एक जना पक्राउ
धनकुटा,१३ बैशाख । धनकुटामा मोटरसाइकल चोरीमा संग्लग्न एक जना पक्राउ परेका छन् ।
पक्राउ पर्नेमा ताप्लेजुङको फुङलिङ नगरपालिका वडा नम्बर ६, सुकेटार बस्ने २३ बर्षिया विषम गुरुङ रहेका छन् ।
गुरुङले हिजो राती साँगुरीगढी गाँउपालिका वडा नम्बर ६, भेडेटार चोकस्थित गाँसबास होटलमा बसेका झापाको कन्काई नगरपालिका, वडा नम्बर ३ बस्ने वर्ष २९ बर्षिया रोशन भण्डारीले होटलको पार्किङस्थलमा पार्किङ गरी राखेको प्रदेश नम्बर १-०१-०१६ प ७६९७ नम्बरको १५० CC को FZ मोटरसाइकल चोरी गरेको थियो ।
उक्त मोटरसाइकल धनीले आज बिहान होटलबाट चेक आउट गरी जानेबेलामा चोरी भएको थाहा पाई इलाका प्रहरी कार्यालय भेडेटारमा जानकारी गराउनासाथ खटिएको प्रहरी टोलीले तत्काल खोजतलास र अनुसन्धान गर्दा सोही होटलमा वेटर काम गर्ने गुरुङले चोरी गरेको खुलेपछि गुरुङलाई भेडेटार बजारबाट नियन्त्रणमा लिइएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
गुरुङले चोरी गरेको मोटरसाइकल सुनसरीको धरान उपमहानगरपालिका -२, भानु चोकस्थित यात्रु सहायता कक्ष अगाडि छोडी आएको बताएपछि उक्त स्थानबाट मोटरसाइकल फेला पारी बरामद गरिएको र निजलाई चोरी कसूर अन्तर्गत अनुसन्धान भैरहेको प्रहरीले जनाएको छ ।
