धनकुटाको हिलेबाट १६ बर्षिया नाबालिकालाई जबर्जस्ती करणीको आरोपमा एक जना पक्राउ
धनकुटा,१४ बैशाख । धनकुटामा जबरजस्ती करणीको आरोपमा एक जना पक्राउ परेका छन् ।
पक्राउ पर्नेमा जिल्लाको धनकुटा नगरपालिका १ हिले बुद्द चोक बस्ने २० बर्षिया सविन शेर्पा रहेका छन् ।
निज शेर्पाले गत बैशाख ३ गते आफ्नै घरको कोठामा लगि १६ बर्षिया नाबालिकालाई ललाइफकाइ जबर्जस्ती करणी गरेकोले कारबाही गरिपाउं भनि पीडित नाबालिकाको बुबाले दिएको जाहेरी पछि पक्राउ गरिएको हो ।
गत बैशाख ९ गते जाहेरी पछि तत्काल मुद्दा दर्ता गरि अभियुक्तको खोजतलास गर्दा उक्त घटना पश्चात फरार भएका शेर्पालाई आज खोजतलासको क्रममा उनकै घरमा फेला पारी नियन्त्रणमा लिईएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
पक्राउ परेका शेर्पालाई धनकुटा जिल्ला अदालतबाट हिरासतमा राख्ने म्याद लिई करणी सम्बन्धी कसूरमा अनुसन्धान भइरहेको प्रहरीले जनाएको छ ।
