पाख्रिबास नगरभित्रका सामुदायिक बिद्यालय यथाशिघ्र संचालन गर्न नगरपालिकाको आग्रह
धनकुटा,१६ बैशाख । धनकुटाको पाख्रिबास नगरपालिका भित्रका सम्पूर्ण सामुदायिक बिद्यालयहरु यथासिघ्र संचालन गर्न नगरपालिकाले आग्रह गरेको छ ।
नगर प्रमुख ज्ञान बहादुर गुरुंगद्वारा हस्ताक्षरित पत्र सार्बजनिक गर्दै नगरले यस्तो आग्रह गरेको हो ।
शिक्षक महासंघको आह्वानमा शिक्षकहरूको पेशागत हकहितको लागि भइरहेको काठमाण्डौ केन्द्रित आन्दोलनका कारण मुलुकभर विद्यालयहरूमा विद्यार्थी भर्ना एवं पठनपाठन सुचारु नभएको हुँदा यस पालिकाका शिक्षकका उचित पेशागत माग पूरा गर्न सम्बन्धित निकायहरूसँग हार्दिक अनुरोध गर्दछ साथै हालसम्म पनि विद्यालय सञ्चालन हुन नसक्दा नगरपालिका अन्तर्गत अध्ययनरत विद्यार्थीहरू शिक्षा लिन पाउने हकबाट बञ्चित हुन पुगेका कारण यथासीघ्र विद्यालयहरूमा पठनपाठन सञ्चालन हुने वातावरण सिर्जना गर्न सम्बन्धित सबैमा अनुरोध छ’ पत्रमा उल्लेख छ ।
