चौबिसेमा प्रधानमन्त्री स्वरोजगार कार्यक्रमको सहयोगमा गाउँमा बस सेवा सन्चालन
विनोद भण्डारी/बैशाख १७,धनकुटा(चौबिसे) । घुम्ती र अफ्ठ्यारा चारवटा खण्डमा प्रधानमन्त्री स्वरोजगार कार्यक्रम अन्तरगत ढुङ्गा बिच्छ्याउने कार्य सम्पन्न भए पछि चौबिसे गाउँपालिका वडा नं. ४ को सुरुङ्गी मानेडाडा टोलमा पहिलो पटक बस सेवा सुरु भएको छ ।
प्रधानमन्त्री स्वरोजगार कार्यक्रम अन्तर्गत चालू आ.ब. २०८०/०८१ मा करिव ३२० मिटर लम्बाई बाटोमा ढुङ्गा बिच्छ्याउने काम सम्पन्न पछि बस सेवा सम्भव भएको हो ।
स्वरोजगार कार्यक्रम अन्तर्गत वडाका १६ युवाले करिव ५० दिन रोजगार र मेहनेतबाट गाउँमा बस आए पछि बस स्थानीय हर्षित छ्न ।
गाउमा उत्पादित सामान बजार लैजान तथा बस चढ्नका लागि एक डेढ घण्टा हिड्नु पर्ने बाध्यताबाट मुक्त भएको स्थानिय फुल बहादुर मगरले खुशी ब्यक्त गर्नुभयो ।
वडाध्यक्ष लोकेन्द्र मगर बाह्रै महिना बस संचालन गर्ने गरि काम सुरु भएको जानकारी दिनुभयो ।
वडामा आउने सानो बजेटले जनताले अनुभुती गर्ने किसिमको काम गर्नु निक्कै चुनौतीपूर्ण रहेकोले त्यसका लागि सवैको सहयोग चाहिने मगरले बताउनु भयो । (प्रशिक्षार्थी पत्राकार)
