खोटांग, उदयपुर, सुनसरी र मोरङबाट प्रतिबन्धित औषधी, ब्राउन सुगर र गाँजा सहित ९ जना पक्राउ
विराटनगर,वैशाख २१ गते । खोटांग, उदयपुर, सुनसरी र मोरङको विभिन्न स्थानबाट प्रतिबन्धित औषधी, ब्राउन सुगर र गाँजा सहित ९ जनालाई प्रहरीले पक्राउ गरेको छ ।
वैशाख २१ गते दिउँसो मोरङको विराटनगर महानगरपालिका-१६ स्थितबाट लागू औषध नियन्त्रण व्यूरो विराटनगरको प्रहरी टोलले चेकजाँचको क्रममा मोरङ बेलबारी नगरपालिका-११ का १९ वर्षीय दिवश धिमाललाई २ ग्राम ४७ मिलिग्राम, बेलबारी-२ का २१ वर्षीय सन्तोष ऋषिदेवलाई ३ ग्राम २७ मिलिग्राम र भारत बिहार पुर्णिया का २५ वर्षीय गौरब जैनलाई ३ ग्राम ३० मिलिग्राम ब्राउन सुगर सहित पक्राउ गरेको छ । यसैगरी इलाका प्रहरी कार्यालय रंगेलीले धनपालथान गाउँपालिका-४ का ४५ वर्षीय चन्द्र शेखर मण्डललाई ब्राउन सुगर २ ग्राम ९५० मिलिग्राम सहित पक्राउ गरेको छ ।
त्यसैगरी सुनसरीको प्रहरी चौकी कप्तानगंजले देवानगंज गाउँपालिका-५ का ३१ वर्षीय पप्पु यादवलाई ३ सय २० मिलिग्राम ब्राउन सुगर सहित पक्राउ गरेको छ भने जिल्ला प्रहरी खोटाङले साकेला गाउँपालिका-२ का २२ वर्षीय संगम राई र २८ वर्षीय सैलेश बजिमयलाई प्रतिबन्धित औषधी Tramadol १४५ क्यापसुल र १५६ ट्यावलेट Diyse-20 सहित पक्राउ गरेको छ ।
जिल्ला प्रहरी कार्यालय उदयपुरले त्रियुगा नगरपालिका -१३ की २७ वर्षीया कल्पना चौधरी र ५५ वर्षीय देव नारायण चौधरीलाई ३ किलोग्राम गाँजा सहित नियन्त्रणमा लिएको छ ।
प्रतिबन्धित औषधी, ब्राउन सुगर र गाँजा सहित पक्राउ परेका उनिहरुको थप अनुसन्धान भईरहेको छ ।
