धनकुटाबाट निषेधित औषधी र ब्राउन सुगर सहित दुई जना पक्राउ
धनकुटा,वैशाख २५ गते । धनकुटाबाट प्रतिवन्धित औषधी र ब्राउन सुगर सहित दुई जनालाई प्रहरीले पक्राउ गरेको छ ।
पक्राउ पर्नेमा जिल्लाको छथर जोरपाटी गाउंपालिका ६ का २४ वर्षीय दर्पण गुरुङ र ३१ वर्षीय सुदिल लिम्बु रहेका छन् ।
गत बुधवार जिल्ला प्रहरी कार्यालय धनकुटाबाट खटिएको प्रहरी टोलिले चेकजाँचको क्रममा निजहरुलाई ब्राउन सुगर २ सय १० मिलिग्राम र निषेधित औषधी- ८ क्याप्सुल सहित पक्राउ गरेको हो ।
पक्राउ परेकाको थप अनुसन्धान भइरहेको जिल्ला प्रहरी कार्यालय धनकुटाले जनाएको छ ।
