जिल्ला प्रहरी कार्यालय धनकुटाको कोशी प्रदेश निमित्त प्रमुख प्रहरी वरिष्ठ उपरीक्षक दाहालद्वारा निरीक्षण भ्रमण तथा अवलोकन
धनकुटा, वैशाख २५ गते । कोशी प्रदेश प्रहरी कार्यालय विराटनगरका निमित्त प्रमुख प्रहरी वरिष्ठ उपरीक्षक भीम बहादुर दाहालले जिल्ला प्रहरी कार्यालय धनकुटाको निरीक्षण भ्रमण तथा अवलोकन गर्नु भएको छ ।
निर्माणाधिन अवस्थामा रहेको जिल्ला प्रहरी कार्यालयको नवनिर्मित कार्यालय भवन र ब्यारेकको निरीक्षण तथा स्थलगत अवलोकन गर्नु भएको थियो ।
अवलोकनको क्रममा दाहाललाई जिल्ला प्रहरी कार्यालय धनकुटाका प्रहरी उपरीक्षक शरत कुमार थापा क्षेत्रीले भवन निर्माण सम्वन्धि बिस्तृत जानकारी गराउनुका साथै जिल्लाको समग्र शान्ति सुरक्षाको अवस्थाको बारेमा अवगत गराउनु भएको थियो ।
