धनकुटाको साँगुरीगढीमा स्थित प्राकृतिक सुन्दरताले भरिपूर्ण झरना ओझेलमा
हिराराज राई,धनकुटा । धनकुटाको साँगुरीगढी गाउँपालिका–९ मा अवस्थित प्राकृतिक सुन्दरताले भरिपूर्ण झरना ओझेलमा परेको छ। केही वर्ष अगाडी गाउँपालिकाले पर्यटकीय स्थलको रूपमा विकास गर्ने उद्देश्यले तमोर करिडोर (कबेली सडक) बाट झर्नासम्म पुग्ने बाटो विस्तारका लागि बजेट विनियोजन गरेको थियो।
तर माथिबाट खसेको पहिरोले पुरिँदा बाटो अवरुद्ध भएको छ। यस झरनामा अहिले स्थानीय केटाकेटीहरू पिकनिक खान आउने गरेको पाइन्छ। गाउँपालिकाले फेरि बजेट विनियोजन गरी संरचना मर्मत र व्यवस्थापनमा ध्यान दिन जरुरी देखिएको छ।
स्थानीय तहले झरनाको संरक्षण र पर्यटकीय प्रवर्धनका लागि दीर्घकालीन योजना बनाउँदै त्यसअनुसार बजेट विनियोजन गर्नुपर्ने आवश्यकता देखिएको छ।
प्राकृतिक सौन्दर्य, शान्त वातावरण र संभावनायुक्त पर्यटन विकास क्षेत्रको रूपमा झरनाले गाउँपालिकाको पहिचान बढाउन महत्वपूर्ण भूमिका खेल्न सक्छ।
