आधारभूत तहमा दिगो न्यायिक सेवा दिने तयारीमा सहिदभूमि
नारायण कुमार राई/धनकुटा,१ जेठ । न्यायिक सेवालाई नागरिकहरुको पहुँच सम्म पु¥याएर प्रभावकारी कार्यान्वयन गर्न धनकुटाको सहिदभूमि गाउँपालिकाले वडा स्तरमा मेलमिलाप कमिटी निर्माण गर्ने भएको छ ।
पालिकाको न्यायिक समितिमा धेरै भन्दा धेरै नागरिकका समस्याहरु आएर वडा स्तरमा नै घटनाहरु मिलाउन भने यो प्रयास गर्न लागिएको हैन । पालिका सम्म नआईपुगेका सम्भावित घटनाहरुमा नागरिकहहरुलाई न्यायको पहुँच प्रत्याभुत गराउन यो कमिटी निर्माण गर्न लागिएको हो ।
समितिका उजुरी प्रशासकको काम हेरी रहेका दिपक राईका अनुसार बितेका ७ बर्षमा न्यायिक समितिमा जम्मा २८ देखि ३० वटा सम्म उजुरी परेका छन् ।
यस बर्षको उजुरी हेर्ने हो भने न्यायिक समितिमा अहिले सम्म जम्मा २ वटा मात्र उजुरी परेकाछन् । जसमा पनि एउटा अघिल्लो बर्षको हो,जो फच्र्याैट भईसहेको छ । बाँकी एउटा पनि फच्र्यौटको चरणमा छ । यो जिल्लाकै स्थानीय तहको तुलनामा कम उजुरी पनि हो ।
तर पनि पालिकाको न्यायिक समितिले आधारभूत तहमा पुगेर काम गर्न बुधबार एक सरोकारवालाहरुको छलफल तथा परामर्श बैठक गरेर पालिकाका ७ वटै वडामा कमिटी गठन गर्ने बिषयमा परामर्श गरेको छ ।
समितिले ईलाका प्रहरी चौकी आँखिसल्ला मातहतका प्रहरी चौकी,न्यायिक समितिका सदस्यहरु र पालिकामा रहेका मेलमिलापकर्ताहरु संग छलफल तथा परामर्श गरेको हो ।
छलफल तथा परामर्शबाट पालिकाको आउने गाउँसभाबाट मेलमिलाप सदस्हरु छनौट गरेर मेलमिलाप समिति गठन गर्ने बिषयमा सरोकारवालाहरु बीच जानकारी आदानप्रदान भएको छ ।
समिति गठनले ग्रामिण क्षेत्र र पालिकाबाट दुरदराजमा भएका नागरिकहरु पालिकाको न्यायिक समिति सम्म आउन नसक्ने सम्भावित अवस्थाको अन्त्य गर्ने पालिकाका उपाध्यक्ष तथा न्यायिक समितिका संयोजक रत्नश्वरी राईले जानकारी दिनुभयो ।
कार्यक्रममा आउनुभएको सबै महानुभावहरुलाई पालिका अध्यक्ष मनोज राईले,न्याय सम्पादनका लागि घामपानी र झरीबादलमा पनि काम गर्न सहजहोस भनेर सबैलाई छाता उपहार दिएर पठाउनुभएको थियो ।
