यि हुन् धनकुटाका विभिन्न स्थानबाट ४३ किलो लागुऔषध गाँजा सहित पक्राउ परेका चार जना
धनकुटा । धनकुटाको विभिन्न स्थानबाट जम्मा ४३ केजी गाँजा सहित ४ जनालाई प्रहरीले नियन्त्रणमा लिएको छ ।
गत जेठ १ गते बेलुकी १८:४५ बजे साँगुरीगढी गाँउपालिका वडा नम्बर ६, भेडेटार चोकमा इलाका प्रहरी कार्यालय, भेडेटारबाट खटिएको चेकिङ टोलीले सार्वजनिक सवारीसाधन जाँच गर्ने क्रममा संखुवासभाबाट दमकतर्फ जाँदैगरेको प्रदेश नम्बर १-०२-००१ ज ४६५९ नम्बरको EV माइक्रोबसका यात्री जिल्ला धनकुटा, शहीदभूमि गाँउपालिका, वडा नम्बर २ वतन भएका २२ वर्षीय सन्तोष दर्जीले बोकेको ह्याण्डब्यागमा १२ के.जी गाँजा फेला पारी निजलाई नियन्त्रणमा लिएको हो ।
यस्तै सोही टोलीले सोही समय र स्थानमा भोजपुरबाट इटहरीतर्फ जाँदैगरेको प्रदेश नं १-०२-००१ ज ४४०९ नम्बरको EV माइक्रोबसका यात्री जिल्ला मोरङ, सुन्दरहरैँचा नगरपालिका वडा नम्बर १० बस्ने २ जना २६ वर्षीय जयराम सरदार र १८ वर्षीय सुदीप सरदारको ह्याण्डब्यागबाट ३ के.जी गाँजा बरामद गरी निजहरूलाई नियन्त्रणमा लिएको छ ।
यसैगरी प्रहरी चौकी मुलघाटबाट खटिएको गस्ती टोलीले ०१ गते नै दिनको १२:०० बजे जिल्ला धनकुटा, धनकुटा नगरपालिका, वडा नम्बर ९, मुलघाटस्थित कोशी लोकमार्गको सडक खण्डमा साप्टिङटारबाट धरानतर्फ जाँदैगरेका पैदलयात्री जिल्ला धनकुटा, धनकुटा नगरपालिका वडा नम्बर ९ वतन भएका ५१ वर्षीय राजु राईलाई तमोर नदीको पुलमा गाडी कुरिरहेको अवस्थामा कार्टूनमा प्याक गरिएको २८ केजी गाँजासहित नियन्त्रणमा लिएको छ ।
नियन्त्रणमा लिइएका चारै जना मानिसहरूको सम्बन्धमा थप अनुसन्धान भइरहेको छ ।
