पाख्रीबासमा भोलि हुने साकेला उभौली यले सम्वत २०५८ बिशेष कार्यक्रमको तयारी अन्तिम चरणमा(फोटो फिचर)
धनकुटा,२ जेठ । प्रकृतिपूजक किरातीहरुले उभौली साकेला चाड मनाइरहेका छन् ।
सोही अवसरमा किरात राई यायोक्खा पाख्रीबास नगर समितिले साकेला उभौली यले सम्वत २०५८ बिशेष कार्यक्रमको आयोजना गरेको छ ।
पाख्रीबास नगरपालिका ७ स्थित राम्चे डांडाको क्षितिज बस्तीमा भोलि जेठ ३ गते विशेष कार्यक्रमको आयोजना गरेको छ ।
किराया पाख्रीबासले सोही स्थानमा गत बैशाख २९ गते नाग्छोंगद्वारा विधिपूर्वक पूजा गरि साकेवा थानको स्थापना गरिएको छ ।
कार्यक्रममा गायिकाद्वय जुनी खालिंग राई र हेमु स्मृति चेम्जोंगको सांगीतिक प्रस्तुति पनि रहने आयोजकले जनाएको छ ।
कार्यक्रमको लागि तयारी अन्तिम चरणमा रहेको किराया पाख्रीबास नगर कार्य समितिका अध्यक्ष जितेन्द्र मांग्पाहांग राईले जानकारी दिए ।
