रानीतालको तस्वीरले जित्यो पहिलो पुरस्कार
पबित्रा मगर/जेठ ५,धनकुटा( चौबिसे) । घरेलु उद्योग महासंघ धनकुटाले बैसाख २३ देखि जेठ ५ गते सम्म धनकुटामा आयोजना गरेको महोत्सवमा चौबिसे गाउँपालिकामा रहेको मावरक(रानी ताल) जिल्लाको फोटो प्रदर्शनीमा प्रथम भएको छ ।
महोत्सवमा फोटो पत्रकार महासंघ धनकुटाले फोटो प्रदर्शनी संगै आयोजित जिल्लाका पर्यटकीय गन्तब्यहरुको तस्वीरहरुको प्रतिष्प्रधानमा रानी तालको तस्वीरले प्रथम स्थान हाँसिल गरेको हो ।
रेडियो धनकुटा एफ.एम.मा कार्यरत संचारकर्मी बिमल याखाले खिच्नु भएको उक्त रानी तालको तस्वीरले प्रतिष्प्रधामा सहभागी २० वटा तस्वीरलाई पछि पारेको हो ।
याखाको तस्वीरले ६०.६५ अंक ल्याएर नगद ७ हजार ५ सय नगद जितेको छ । त्यस्तै अन्नपूर्ण पोष्टमा कार्यरत पत्रकार हरिबहादुर लम्जेलको तस्वीरले ५५.०३ अंक पाएर दोस्रो स्थान संगै नगद ५ हजार जितेको छ ।
तेस्रो स्थानको उपाधी प्रणव लिम्बूको तस्वीरले ५१.९५ अंक ल्याएर नगद २ हजार ५ सय जितेको छ ।
बिजेताहरुलाई आज महोत्सवको समापनमा पूर्व खानेपानी मन्त्री तथा संघिय सांसद माननिय राजेन्द्र कुमार राईले नगद र प्रमाणपत्र दिएर सम्मान गर्नुभएको थियो ।
छनौट प्रक्रियामा फोटो पत्रकार महाँसंघ धनकुटा,केन्द्रिय समिति र भोटिङ अंकभारका आधारमा निर्णय गरिएको महासंघ धनकुटाका अध्यक्ष कविराज घिमिरेले जानकारी दिनुभयो । (प्रशिक्षार्थी पत्रकार)
