धनकुटाको पाख्रीवासमा महिलाहरुको क्षमता अभिवृद्वीका लागि उद्घोषण सम्बन्धि ५ दिने तालिम शुरु
धनकुटा । महिलाहरुकाे क्षमता अभिवृद्वीका लागि आजदेखि धनकुटाकाे पाख्रीवासमा उद्घाेषण सम्बन्धि ५ दिने तालिम शुरु भएकाे छ ।
पाख्रीवास नगरपालिका ४ नं वडा कार्यलयकाे सहयाेग तथा छथर मिडिया प्रा.लि. धनकुटाकाे आयाेजनामा सञ्चालित तालिमकाे उद्घाटन वडा नं ४ का वडाध्यक्ष तथा कार्यक्रमका प्रमुख अतिथि सन्ताेष मानन्धरले गर्नु भएकाे हाे ।
छथर मिडिया प्रा.लि का सञ्चालक कविराज घिमिरेकाे अध्यक्षतामा भएकाे कार्यक्रममा बाेल्दै वडाध्यक्ष मानन्धरले तालिमका सहभागिहरुलाई ध्यानपूर्वक तालिम लिन र व्यवहारमा लागू गर्न आग्रह गर्नुभयाे । उहाँले बाेल्नेकाे पिठाे विक्ने,नबाेल्नेकाे चामल पनि नबिक्ने भन्ने नेपाली उखानकाे उदाहरण दिदै उद्घाेषण कला अब्बल भए विभिन्न ठाउँमा अवसर मिल्न सक्ने र व्यवहारिक जीवनमा पनि कुनै समूह,संगठनलाई नेतृत्व गर्न सजिलाे हुने बताउनु भयाे ।
त्यस्तैगरि नेपाल पत्रकार महासंघ धनकुटाका अध्यक्ष तथा उद्घाेषण तालिमका प्रशिक्षक विदुर खवास र नेपाल प्रेस युनियन धनकुटाका अध्यक्ष विनाेद घिमिरेले याे तालिमकाे अवसरकाे भरपुर उपयाेग गरि उद्घाेषण कला सिक्न सहभागिहरुलाई सुझाव दिनुभयाे ।
वडा सदस्य सुष्मा गुरुङले तालिमकाे उद्देश्य स्पष्ट पार्दै स्वागत मन्तव्य राख्नु भएकाे थियाे । तालिमकाे शुरुवातकाे दिन आज उद्घाेषण भनेकाे के हाे ? कसरी गर्ने ? किन गर्ने ? उद्घाेषण गर्न आवश्यक कुराहरु के के हुन् भन्ने लगायतकाे वारेमा नेपाल पत्रकार महासंघ धनकुटाका अध्यक्ष खवासले प्रशिक्षण दिनु भएकाे थियाे ।
जेठ १० गते सम्म सञ्चालन हुने तालिममा पाख्रीवास नगरपालिका वडा नं ४ का ५ जनाकाे सहभागिता छ ।
