सुनसरीको इटहरीबाट चोरी भएको मोटरसाईकल र लागुऔषध ब्राउन सुगर सहित एक जना पक्राउ
सुनसरी, जेठ १९ गते । सुनसरीको इटहरी उप-महानगरपालिका-६ स्थित पश्चिम टेम्पु स्टेण्ड नजिकैबाट चोरी भएको मोटरसाईकल र लागुऔषध ब्राउन सुगर सहित १ जनालाई प्रहरीले पक्राउ गरेको छ ।
जेठ १७ गते होटल अगाडि पार्कीङ गरी राखेको स्थानीय जित बहादुर घिमिरेको प्रदेश १- ०२-०५३ प १९६५ नम्बरको पल्सर मोटरसाईकल हराएको जानकारी प्राप्त हुनासाथ CRV बसपार्क इटहरीबाट खोजतलासमा खटिएको प्रहरी टोलीले इटहरी-१८ स्थितबाट मोटरसाईकल चोरीमा संलग्न इटहरी-९ का २३ बर्षीय संगम श्रेष्ठलाई नियन्त्रणमा लिएको हो ।
चेक जाँचको क्रममा श्रेष्ठको साथबाट लागूऔषध ब्राउनसुगर २०० मिलिग्राम समेत प्रहरीले वरामद गरेको थियो । चोरीमा संलग्न श्रेष्ठको इलाका प्रहरी कार्यालय इटहरीबाट थप अनुसन्धान भईरहेको छ ।
