यि हुन् धनकुटाबाट लागुऔषध ,मोबाइल र नगद रकम सहित पक्राउ परेका चार युवक
धनकुटा,१९ जेठ । धनकुटाबाट लागुऔषध र मोबाइल सहित चार जना पक्राउ परेका छन् ।
पक्राउ पर्नेमा जिल्लाको चौबिसे गाउंपालिका ६ का वर्ष २२ को पुजन लिम्बु, २२ बर्षिया सेसेहाङ चेम्जुङ ,२२ बर्षिया जेम्सन लिम्बु र ३७ बर्षिया दिनेश लिम्बु रहेका छन् ।
लागुऔषधको कारोबार भइरहेको भन्ने गोप्य सुचनाको आधारमा आज इलाका प्रहरी कार्यालय राजारानीबाट खटिएको प्रहरी टोलीले पुजनको घरकोठा भित्र सुतिरहेको अवस्थामा उनीहरुलाई पक्राउ गरिएको जिल्ला प्रहरी कार्यालय धनकुटाले जनाएको छ ।
कोठा भित्र टेबुलमा राखेको प्लाष्टिकमा प्याक गरिरहेको अवस्थामा खैरो हिरोईन जस्तो देखिने पदार्थ प्लाष्टिक सहित ५ ग्राम ६१० मिलिग्राम र (प्लाष्टिक बाहेक नापतौल गर्दा ३ ग्राम ९०० मिलिग्राम ) रहेको ,नगद रु. ४१ हजार ५ सय ,मोबाईल थान-४ समेत बरामद गरि नियन्त्रणमा लिइएको प्रहरीले जनाएको छ ।
पक्राउ परेकाको थप अनुसन्धान तथा कानुनी कार्वाहीको लागि जिप्रका धनकुटामा राखिएको छ ।
